Germaniyada tibbiy oliy ta’lim

Germaniyada tibbiy ta’lim olmoqchisiz, ammo qayerdan ishonchli ma’lumot olishni bilmayapsizmi. Brueder Grimm Akademie siz uchun allaqachon kerakli va ishonchli ma’lumotlarni jamladi! Germaniyadagi oliy tibbiy ta’lim sifati dunyo bo’yicha yetakchi o’rinni egallagani hech kimga sir emas.

Maqolamizda ushbu mavzularni yoritib berishga harakat qilamiz:

Umumiy ma’lumotlar
O’qish uchun ariza topshirish va qabul jarayoni
Tibbiy ta’lim strukturasi
Diplomi O’zbekistonda qabul qilinadigan Germaniya OTM lar

Umumiy ma’lumotlar

2023-yil holatiga jami 42 ta Germaniya OTM larida tibbiy ta’lim mavjud.
Kassel School of Medicine dan boshqa universitetlarda tibbiy ta’lim to’liq nemis tilida bo’ladi. Bu universitet nodavlat bo’lib, tibbiy ta’lim ingliz tilida.
Qabul kvotalarning 8-11% qismi chet el talabalari uchun ajratiladi. Bu, taxminan, jami Germaniya tibbiy ta’limi hisobida 500-800 o’rinni tashkil qiladi.
O’qitish uslubi uch xil uslubda bo’lib o’tadi: Regelstudiengang – klassik o’qitish tizimi, Modelstudiengang – modulyar tipdagi o’qitish tizimi, Reformstudiengang – reformlashtirilgan o’qitish tizimi, ya’ni yuqoridagi ikkisini umulashtirilgan o’qitish tizimi.
Talabalar talabalik davridayoq doktorlik ishini boshlash va himoyalash huquqiga egalar!
Tibbiyot yo’nalishlari uchun kirish imtihonlari yo’q
Qabul asosan oxirgi ta’limning (litsey, institut) o’rtacha bahosiga qarab olib boriladi. Oxirgi yillarda chet el talabalariga o’qishga qabul qilinish uchun o’rtacha baho 4,9-5,0
Ba’zi universitetlar o’rtacha bahodan tashqari Test AS natijalarini va qaysi davlatdan kelib chiqishingizni ham inobatga oladi.

Ariza topshirish

Ariza topshirish ikki uslubda amalga oshiliriladi:

Uni-assist bilan hamkorlikda ishlaydigan universitetlar uchun hujjatlar Berlinda joylashgan Uni-Assist tashkilotiga jo’natiladi. Uni-Assist hujjatlarni qabul qilib, ularni universitetlarga kamchiliklarsiz jo’natish bilan shug’ullanuvchi tashkilot. Yana bir foydali tarafi bir marta hujjat tayyorlab Uni-Assist ga jo’natilsa, bir vaqtni o’zida bir necha universitetlarga ariza topshirish imkonini beradi. Bu tashkilotning xizmat narxi birinchi universitet uchun 75 yevro va qolganlari uchun 30 yevro.
Uni-Assist bilan hamkorligi yo`q universitetlarga hujjatni to’g’ridan-to’g’ri Universitetning qabul komissiyasiga jo’natiladi. Hujjatlar topshirish asosan bepul bo’ladi.

Uni-Assist bilan hamkorligi bor tibbiy oliy o’quv yurtlari:

Universität Heidelberg
Universität Ulm
Friedrich-Alexander-Universität
Erlangen-Nürnberg (FAU)
Technische Universität München
Charité Universitätsmedizin Berlin
Universität Hamburg
Goethe-Universität Frankfurt am Main
Universität Gießen (JLU Gießen)
Philipps-Universität Marburg
Universität Greifswald
Universität Rostock
Medizinische Hochschule Hannover
Universität Duisburg-Essen
Universität zu Köln
Universität des Saarlandes
Universität Leipzig
Technische Universität Dresden (TU Dresden)
Martin-Luther-Universität Halle-Wittenberg
Otto-von-Guericke-Universität Magdeburg
Christian-Albrechts-Universität zu Kiel
Universität zu Lübeck
Friedrich-Schiller-Universität Jena

Qaysi hujjatlar topshirilish lozimligi to’g’risida batafsil ma’lumotlar tegishli Universitetda mavjud bo’lgan international office dan olish mumkin. International office elektron pochta manzilini universitetning rasmiy veb-sahifasidan topishingiz mumkin. Odatda yuborilgan e-mailga 2 ish kuni davomida javob berishadi. Universitet talab qilgan hujjatlarni yig’gach, Uni-Assistga yuborish bosqichi boshlanadi.

Uni assistga hujjat topshirish 6 bosqichda amalga oshiriladi:

Vorab informieren – oldindan ma’lumot yig’ish (tegishli universitetdan kerakli hujjatlar ro’yxatini so’rash, yuqorida yozilgandek)
Bewerbung planen – hujjat topshirish muddatlarini tegishli Universitetdan aniqlash. Odatda qishki semestr uchun 15-yanvar, yozgi semestr uchun 15-iyulgacha hujjatlar yuborilgan bo’lishi shart
Dokumente sammeln – kerakli hujjatlarni talab qilinadigan shaklda yig’ish
Online bewerben – Uni-Assist saytida online ro’yxatdan o’tish
Kosten zahlen – Uni-Assist to’lovlarini vaqtida to’lash
Abschicken & Verfolgen – hujjatlarni pochta orqali Uni-Assist manziliga jo’natish va javobni kuzatish

Ko’p hollarda quyidagi hujjatlar talab etiladi:

Pasport nusxasi
Nemis tiliga tarjima qilingan va notarial tasdiqlangan maktab, litsey shahodatnomalari
Yurtingizda oliy ta’limni boshlab qo’ygan bo’lsangiz, fanlar va baholar ko’rsatilgan ilova
Til sertifikati (TestDaf, DSH, Goethe sertifikatlari)
Boshqa qo’shimcha hujjatlar: Tarjimai hol, TestAS va boshqalar

Tibbiy ta’lim strukturasi

Bu 6 yil, ya’ni 12 semestrdan iborat bo’lib, 1-4- semsetrlarda Klinik oldi bosqichi va amaliyot (birinchi yordam kursi; o’rta tibbiyot xodimi lavozimida 3 oy) bo’ladi. Birinchi davlat imtihoni (M1 Physicum) bo’lib o’tadi.

5-10-semestrlarda Klinik bosqich va amaliyot (4 oylik shifokorlik amaliyoti) bo`ladi. Ikkinchi davlat imtihoni o’tkaziladi.

11-12-semestrlarda Amaliyot bosqichi va amaliyot yili bo`ladi. Uchinchi davlat imtihoni o’tkaziladi.